Le chan báaxla' tin béetaj tu najil in xook beya´, yáaxile´ tin wa´alaj ti´ le mejen paalalo´o´bo´ ka´ u béeto´ob junp´éel wóolis te´e´ chúumuk u kúuchil u xooko´obo´ ka´ ts´o´oke´ ka´ tin wa´alaje´ teen kin kajik le báaxalo´ yo´osal ka´ u ch´a´na´ato´ob bix kun úuchul le chan báaxla, yaan in wa´atal chúumuk le chan wóolis tu béeto´ob le mejen paalalo´obo´ ken ts´o´oke´ kin wa´alik “óotsil chan mis” chéen tin wa´alik la t´aana´ táan in ji´ik in pool ti´ juntúul chan ch´úupal wáa ti´ juntúul chan xi´ipal, le máax kun che´eje´ ti´ leti´ kin in béet junp´éel k´áatchi´, ti´ le káambalil ts´o´ok in we´esikti´o´obo´ ts´o´oke´ le máax tin k´áatchi´to´ yaan u máan u ya´ale´ óotsil chan miis.
José Luis Tun Tuz
