Tu nu'ukbesajil Ko'one'ex Kanik Maayae' táan u beeta'al jejeláas meyaj tu yóok'lal u k'iinbesa'al u máank'iinalil na'tsil t'aano'ob, beyo' tu kaajil Celestune' úuch u cha'anil u máak'iinal k-t'aan, te'elo' táakpaj jejeláas najilxooko'ob ti' u nojkaajilo'ob Uman, Progreso, Hunucma yéetel Celestún, ichil u jejeláasil meyaj úuche' yanchaj óok'ot, k'aay, e'esajil ts'aaj xook, p'a'astaj, yéetel uláak' e'esajil.
Beey xane' táakpaj u múuch' paaxil ajka'ansaj Wilfrido yeetel Dzulo'ob tu'ux tu ki'ima´kkúunsaj u yóol le wíiniko'obo', le múuch' paax je'ela' tu k'ayaj jejeáas paaxil ichil maaya t'aan je'el bix Chan Xt'uut, in walak' peek', juntúul na'tsil maaya yéetel uláak'o'ob.
